Fiskar

Í Spíranum hava vit eitt passaliga stórt og vakurt akvarium við ymiskum sløgum av akvariumsfiskum. Teir fáa fiskamat hvønn dag, og sikkurt ríkiligt at drekka, ha, ha  :) 

Og tað er javnan neyðugt at gera akvarium rein, so at fiskarnir hava eitt gott stað at búgva í.

 

Vit hava m.a. vanligar neon fiskar, kopar pansarmallur, guppy fiskar og dvørg súgvimallur

 

 

 

Marsvín

Í Spíranum hava vit 2 marsvín. Teir eru tveir beiggjar. Børnini hava givið teimum navn, og teir eita Ronaldo og Frísi. Teir eru so fittir og tíma væl at kelast. Teir býgva saman í sínum búðri úti í Djórahúsinum. Teimum dáma væl agurk, gularót, hoyggja og marsvín turrfóður.  

Børnini hjálpa til, tá marsvínini verða fóðrað og búrið skal sópast.

 

Snýið hjá Frísa er væl blandað av svørtum og hvítum liti.

Ronaldo hevur eina svarta strípu runt um kroppin.

 

Kaninir

Í Spíranum eru 4 kaninir. Tvær svartar og tvær albino. Tær eru ordiliga fittar og spakar. Tær elska at eta og leypa út í rennigarðin at gloypa um matin og so vilja tær eisini kelast inn ímillum.

Børnini hjálpa til, tá kaninirnar verða fóðraðar og búrini skulu sópast.

 

Mjúka er frá Djóraverndarfelagnum og fingu vit hana í februar 2019. Hon er ordiliga kelin og kemur til okkara, tá vit gera *kanin-ljóð* :) Henni dámar væl børn og er nokkso forvitin, tá hon kemur inn í Djórahúsið til frisør - reisir seg upp at sita og hyggur runt um seg - nokkso herlig ;) 

 

 

 

Høsn

Vit hava tríggjar hanar og nógvar hønur. Hønurnar eru brúksdjór. Eggini, sum hønurnar verpa, fara børnini eftir, taka tey inn, vaska tey og selja tey. Tá hønurnar fáa ungar, verða hanarnir dripnir tá teir eru nóg stórir til tess og verða síðani skoldaðir, royttir og kókaðir til hanasúpan. Børnini eru við í øllum hesum virkseminum.

Børnini hjálpa við fóðringini hvønn dag og hyggja, hvussu høsnini hava tað. Høsnini koma stórleypandi í móti teimum, tá tey síggja børnini koma við spannini við fóðri í. Børnini hjálpa eisini til, tá høsnarhúsini skulu sópast.

 

Jákup, ið er ein dvørgahani, hevur sín egna høsnargarð í dunnuhylinum. Har hevur hann tað sum blomman í egginum. Hønurnar elska hann og hann stórtrívist i millum tær. Dvørghønur eru góðar mammur og eru altíð skrukk.

Poulina er ein dvørghøna. Hon hevur 12 ungar. Hon er ein ordiliga góð mamma og ansar væl eftir sínum ungum. 

Dunnur

Vit hava nógvar dunnur. Eisini her, eru børnini við til at fóðra, hyggja eftir um tær hava tað gott og savna egg. Summar av dunnunum eru so spakar, at tær eta úr hondini. 

Gæs

Vit hava eitt gásapar, sum eisini skal fóðrast hvønn dag. Eisini her eru børnini við til at hjálpa. 

Gásaparið og teir 7 ungarnir vóru á stykkinum, hjá Absalon, í Hósvík og ótu seg feit og lekkur. Ungarnir eru nú seldir og vit hava gásaparið eftir - vónandi fáa tey aftur ungar komandi ár ;)  

Fleiri myndir